Natapos na rin sila mag-exam sa tatlo nilang subject at ang masasabi niya lang ay na-drain ng husto ang kanyang utak tungkol sa Marketing na ‘yan. Pero atleast worth it naman ang ni-review niya kahit na may asungot na lagi siyang binibuwisit. Kung hindi lang talaga makakatulong sa company nila ang kursong ‘to baka matagal na siyang sumuko.
“Grabe ang hirap talagang magpa-exam ni Ms. Gia!” rinig niyang sabi ng mga kaklase niya partikular na si Sheron na kaninang sumenyas na nandiyan na ang kanilang professor.
“Ano ka? Mas mahirap kaya ang exam ni Ms. Kassandra lalo na ang mga formula na dapat tandaan,” sabi naman ng isang babaeng tinatadtad ang mukha ng makeup habang nakatingin sa salamin at nagpupulbo.
Mabilis ng lumabas ang mga kaklase nila palabas ng classroom habang silang
