“Ahhh…” tangi niya na lang nasabi habang nag-iisip kung ano ang maganda niyang isasagot sa asawa. “Khrystal pumasok ka muna sa loob medyo mainit na rin kasi kaya pumasok ka na muna.”
Nakita niyang sumimangot at ibubuka pa sana nito ang kanyang bibig pero mukhang nagdalawang-isip si Khrystal kaya tumayo ‘to mula sa pagkakaupo.
“Sige na papasok na ako! Naku kahit kailan talaga babaero ka. Kahapon ‘yong Joanverth na pulubi ang pumunta rito sa bahay tapos ngayon may pulubi na namang dumating. Ilang charity kaya hawak nitong lalaking ‘to at di nauubusan ng pulubing bisita?” malakas na bulong ni Khrystal habang naglalakad papasok ng bahay.
Umiling-iling na lang siya at hinintay ‘tong makapasok sa loob ng bahay. Pagkatapos ay tumalikod na siya’t naglakad papunta sa gate kung nasaan s
