Icelyn's POV
May nakuha akong part-time job malapit sa apartment na tinitirhan ko. May morning class ako sa university at sa hapon naman ang umpisa ng trabaho ko dahil isa itong mini bar. Ito ang maganda kapag nasa ibang bansa ka. Pwede kang kumuha ng maraming part-time job basta kaya ng katawan mo at ng oras mo.
Hindi ako pwede maging tamad dahil hindi ko tinanggap ang pera ni Papa. Gusto kong patunayan na kaya kong mamuhay nang hindi humihingi ng pera sa kanila.
Papunta na ako sa trabaho. Naglalabasan na ang mga galing sa opisina marahil ang iba ay pauwi na sa kanilang bahay o ang iba naman ay gagala pa.
Kinakabahan man ako ay alam kong kaya ko dahil minsan na rin ako naging cashier noon. Siguro blessings in disguise na makilala ko si Marco dahil kahit paano marami akong natutunan n
