Kabanata 24
Samantala, busy naman si Nathalie na mag-grocery sa mall, halos inabutan siya ng gabi dahil sa pamimili. Naroon na siya sa counter at nakapila. Panay ang tingin niya sa kan'yang cell phone baka kasi tumawag na o 'di kaya'y nag-text sa kan'ya si Isaac.
Nabigo lang siya nang makitang walang laman ang notification niya.
"Excuse me, Ma'am. Five thousand pesos po lahat-lahat." Napatingin siya sa cashier at napatango. Mabilis niyang binuksan ang shoulder bag na dala-dala niya para hanapin ang wallet. Subalit ilang segundo na siyang naghahalungkat, wala pa rin siyang makitang wallet sa loob. Nakaramdam siya ng kaba, roon niya lang naalala na naiwan pala niya ito sa apartment.
Tinapik niya ang kan'yang noo sabay sabing, "Ang tanga mo naman, Nathalie!"
"Ma'am, five thousand peso
