"Annie, anong ginagawa mo rito?"
Isang araw ay bigla na lang itong dumating nang walang pasabi. Ang naalala niyang sinabi ni Rafael bago umalis, may dadaluhang meeting ang dalawa.
"Sama ka sa akin. Nakalimutan nating puntahan ang gagawa ng souvenir items ninyo."
"Ganon? Hindi pa pala tapos 'yon? Pero paano si Baby Hunter?"
"Ako na ang bahala kay bulinghit, Ate Contessa," presenta ni Liza na bigla na lang sumulpot mula sa kung saan. Kahapon pa ito dumating mula sa Siquijor kasama ni Dino.
"Akin na nga itong cute na baby na 'to."
Kinuha nito mula sa kanya ang anak niya.
"Don't worry, Ate, andiyan naman si Manang Cleo sakaling hindi ko mapatahan ito."
Napahinuhod siyang sumama. Kaagad siyang nag-ayos at nagbihis at ilang saglit lang ay binabaybay na nila ni Annie ang kahabaan ng daan
