KASAMA ko si Julius Choi sa lakad niya sa isang resort sa Puerto Galera. Bantay-sarado ang lahat sa naturang exklusibong resort na ito dahil darating ang parokyano nito mula China. Ito na ang pinakahihintay kong pagkakataon na ipakita sa mga ito kung paano sila lumubog.
Gabi na rin kami nakarating dito dahil nga sa medyo maalon at kailangan pa namin lumipat sa malaking yate. Ang masaklap pa ay kasama na namin ang anak-anakan ni Julius na si Augustus. As usual, hindi na naman maalis-alis ang tingin sa akin ng dati kong asawa. Sige lang, Augustus. Mabibighani ka rin sa gandang taglay ko katulad noong uanng nakilala mo ako. Lahat na rin ng gestures noon ni Imari ay ginawa ko para lang mas lalong mabaliw ang lalaking ito.
Maganda at malawak ang naturang resort at kahit madilim na ay mabibigh
