Lulan ng sasakyang pang himpapawid sina Zarlo at Prinsesa Ifri. Bagamat nangako ito na dadalhin ang prinsesa sa kanyang palasyo sa Daes ay naghahalo ang kanyang damdamin sa sariling kagustuhan at sa utos ng kanyang Karismang si Demelos.
"Ito na ang pagkakataon mo para tuluyang ma angkin ang lahat ng mga Karisma, Zarlo. Hawak mo na ang tunay na prinsesa," wika ni Demelos sa kanyang isipan.
Pinagmamasdan ni Zarlo ang wala pa ring malay na si Prinsesa Ifri na inaasukaso ni Ayaki. Buo man sa kanyang isip na ibalik ang prinsesa sa Daes ay pilit siyang kinokontrol ni Demelos upang gawin ang kanyang pangunahing layunin.
"Pinalaya mo ako para sa layuning ito, Zarlo. Huwag mong kalimutan na ikaw ang siyang dapat mamuno sa Daestre. Ikaw ang karapat dapat na maghari at sa tulong ko ay magagawa mo
