Nakasakay na ang lahat sa sasakyang panghimpapawid ni Zarlo. Minabuti na ni Ayaki na bigyan ng paunang lunas ang lahat ng mga bituwin habang si Zarlo ay dinala si Nia sa isang silid.
Pinagmasdan niya ang sugatang katawan ni Nia habang sa kanyang isip ay naririnig niya ang sinabi ni Vexx. Maliwanag sa kanyang isip ang kanyang nais at iyon ay ang makalaban si Nia at Basakara. Ngunit dahil sa sinabi ni Vexx ay unti unting nagkakaroon ng pansin ang damdamin niyang pilit niyang isinasantabi.
Laman pa rin ng kanyang puso si Aurelia at alam niyang hinding hindi iyon magbabago. Ngunit hindi niya maintindihan na sa ilang beses ng pagkalagay sa panganib sa buhay ni Nia ay paulit ulit din siyang sumasaklolo. Dapat ay masaya siya na natatalo si Nia dahil kalaban ang turing niya rito ngunit gulong
