Sumakay na rin si Leo sa isa pang kabayo upang umpisahan ang kanyang misyon.
"Kami na ang bahala sa ibang instrumento. Mag ingat kayo, Nia."
Tumango si Nia. "Mag ingat ka rin, Leo."
Tinanaw ni Nia ang papalayong kabayong sinasakyan ni Leo. Lingid sa kanyang kaalaman ay pinagmamasdan siya ni Rava.
Sa tuluyang paglayo ni Leo ay bumaling ng tingin ang dalaga sa tatlo pang kasamahan. "Magiging madali para kina Leo at Vexx ang paghanap sa ibang instrumento. Sa atin nakasalalay ang pagkuha sa iba pa. Tayo na."
Sumulat sa papel si Lara at ipinakita iyon kina Rava, Zenon, at Konad. Nakasaad sa kanyang isinulat ang unang lokasyong kanilang pupuntahan. Sa isang kweba ang kanilang punta na kung saan maaari nilang mahanap ang klarineta o ang kuliling.
Sa gitna ng kagubatan natunton ng grupo ang
