Ang Karisma ni Leo ay nagbago ng anyo mula sa pagiging espadang may magkabilang talim ay naging mahabang sandata ito na sa dulo ay may makapal at pinong pinong talim. Naging maagaan iyon sa kamay ni Nia na nagawa niyang maipa ikot ikot sa ere na nag iiwan ng bilog na kislap ng yelo.
Sa talim ay nabasa ni Nia ang nakaukit na letra na kanyang napagtantong pangalan ng diyosang kanyang kausap. "Maraming salamat, Namio. Ililigtas ko si Leo."
Sa muling pagmulat ng mga mata ni Nia ay siyang mariin na tingin ang dumapo kay Demelos. Hindi lamang ramdam ng kalaban ang malakas na kapangyarihang bumabalot sa katawan ng dalaga kundi kitang kita niya ang mga kislap ng yelo sa kanyang paligid.
"Magbabayad ka!!" Sa malakas na pagsigaw ni Nia ay siyang mabilis na humakbang ang kanyang mga paa patungo sa
