Natapos na sa ginawang paglilibot sa bayan si Zenon na utos sa kanya ni Rava. Pumipitik pa ang sakit sa kanyang ulo dala ng pag inom ng ng alak nang nakaraang gabi. Sanay naman si Zenon sa ganoong kondisyon ngunit matagal tagal na nang magsaya siya nang ganoon dahilan upang magpasya itong hanalin si Konad upang magpagawa ng halamang gamot.
Sa lagusan ng palasyo sa gilid nito dumaan si Zenon sapagkat mas malapit doon ang Aklatan na kung saan alam niyang nagpunta si Konad. Hindi na nagtaka si Zenon sa katahimikan ng palasyo. Kasama niyang uminom ang mga naninirahan doon at alam niyang marami rami rin ang alak na nainom ng mga ito at tiyak siyang tulog pa ang lahat.
Sa tuluyang pagpasok ni Zenon sa bulwagang konektado sa pinaka lagusan ng palasyo ay may namaataan siyang nakaupo sa poste. G
