NATIGILAN si Mary sa pagsusuklay nang marinig na tumutunog ang cellphone na sa ibabaw ng kama. Kasalukuyang nasa silid siya at naghahanda na sa pag-alis.
Pagkakuha ni Mary sa gadget nakita niyang tumatawag ang assistant na si Tessa. Kaagad niya 'yong sinagot.
"Hello, Madam!" Masiglang bungad nito.
"Tessa, hello."
"Itatanong ko lang po kung papunta ka na po para maihanda ko na ang studio."
"No need. Hindi rin naman ako magtatagal, may gusto lang i-discuss sa 'yo."
"Parang kinakabahan ako sa tono mo, Madam. Very serious, eh."
Lihim na napabuntong hininga si Mary saka pilit na pinasigla ang tono ng boses. "O siya, mamaya na tayo mag-usap paalis na rin ako rito."
"Okay! See you later, Madam!"
Muling napabuntong hininga si Mary pagkababa ng tawag. Tinapos niya ang pag-aayos sa buhok
