NAKATINGIN lang si Agatha sa natutulog na gobernador sa tabi niya habang bumabiyahe sila pauwi sa mansyon. Kahit na madilim na ang paligid ay kita niya pa rin ang payapang mukha ng lalaki na tila napagod sa lakad nila o baka sa ginawa nila. Gusto niya rin sanang umidlip kahit saglit lang pero hindi niya magawa. Kahit anong pilit niya na iwaglit sa isipan niya ang sinabi ng lalaki kanina ay binabagabag pa rin siya nito, dahilan para hindi niya ma-enjoy ang lakad nila. Nagkunwari lang siya buong araw na na-enjoy niya ang paglilibot nila lalo na't ayaw niyang maisip ng lalaki na 'di niya ito gustong kasama. Nag-effort pa naman ito na dalhin siya sa siyudad.
Alam niyang wala namang mali sa sinabi nito kanina, pero 'yon nga, hindi niya lang mapigilang mapaisip dahil may pinagsamahan na rin nam
