"Ipapakilala kita sa mga amiga ko, Marga. Sigurado ako na magtataka ang mga iyon kapag sinabi ko kung ilang taon ka na. Baka nga akalain nila na napakabata mo pa para sa anak kong si Yael gayong halos magka-edad lang naman talaga kayo, hindi ba?"
Halata sa mukha ni Mama Cora na natutuwa na makasama ako sa kanyang lakad kung saan naimbitahan siyang dumalo sa kaarawan ng isa sa kanyang mga kaibigan.
Dahil may pasok si Zandro sa eskwelahan at para hindi na rin daw ako naiinip sa bahay kaya niyaya niya ako ng aking biyenan na gumayak para nga sumama sa kanya.
Ayoko man na sumama dahil mas gusto ko lamang ang nasa bahay ay napilitan na ako para nga pagbigyan ang matanda at dahil nga sa dahilan na asawa ako ng Mayor ng Guadalupe kaya dapat ay talagang dumadalo ako sa mga pagtitipon na maramin
