ALEXANDRIA
Tinungo ko ang naka-park na sasakyan kung saan naghihintay si Basil at Batista. Hindi ko hinayaan na samahan ako ng dalawa kahit nagpumilit sila. Ngunit hindi pa man ako nakakalapit ay bumilis ang t***k ng puso ko ng makita ko kung sino ang lalaking nakapamulsa at nakasandal sa sasakyan nito na animo'y may hinihintay.
Hindi pa niya napapansin ang presensya ko dahil nakatutok ang atensyon niya sa cellphone kaya malaya ko pinagmasdan ang mukha niya.
Nangingitim ang ilalim ng mata niya at parang kulang pa rin siya sa tulog. Nag-iisip pa rin siguro siya kung ano ang solusyon na gagawin niya ayon na rin sa huli naming pag-uusap.
Gusto ko siya sugurin ng halik at yakap pero nagpigil ako. Kailangan ko maging matatag kahit hirap na hirap na ako na labanan ang pangungulila ko sa k
