Today will be exciting, second day as mag-jowa namin ni Aga. Nakaka-good vibes lang. Ang mas exciting pa roon, magkasama kami sa duty ngayon. Kaya naman maaga akong nag-ayos kahit mamaya pang hapon ang pasok ko. As usual jeans and t-shirt lang naman ang suot ko, plus inilagay ko lang ang mga burloloy ko sa katawan.
“Ate, nandito si Kuya Aga!” tawag sa akin ni Baby na nakasilip sa pintuan ng aking kwarto.
“Ha? Sige pakisabi pahintay na lang ako sandali!” gulat ko namang saad sa kaniya nang lingunin ko siya.
Muli akong humarap sa salamin at nagmadali na ako sa pag-aayos ko sa aking sarili. Mabilis kong tinapos ang pagsusuot ng mga burloloy ko sa katawan at saka nag-spray ng cologne. Pagbaba ko ng hagdan ay dumiretso na ako agad sa sala kung saan naghihintay si Aga sa akin. Inabutan kong
