AKEESHA'S POV
"Wow!" sabay naming sambit ni Riya nang makapasok kami sa Air Kingdom.
Ibang-iba ang gayak ng Air Kingdom ngayon kaysa noong Foundation Day. Sa halip na mga fairies ay mga makukulay na paru-paro ang nagliliparan sa paligid. Lumilikha rin sila ng mga pixie dust at ang iba naman ay mga petals ng bulaklak ang nililikha na kapag tumatama sa lupa ay naglalaho na. Ang mga fairy naman ang siyang abala sa mga booth at stall na nakapalibot sa kaharian. Iba't ibang uri ang mga booth, mayroong jail booth, wedding booth, kissing booth at kung ano ano pa. Sa mga stall naman, may mga stall na may nagtatanghal na mga fairy, ang iba ay nagpapahiram ng pakpak ng fairy kung saan mararamdaman mo na para kang isang tunay na fairy.
"Sa tingin ko Akeesha, alam na natin kung anong uunahin," naka
