AKEESHA'S POV
"Pahinga muna tayo Akeesha."
Makalipas ang ilang ulit na pagsubok ay nagpahinga muna kami ni John. Basang basa na kami ng pawis at kapwa hinihingal. Agad akong inabutan ni John ng tubig.
"Salamat. Sa tingin mo ba ay magagawa talaga natin 'yun?"
Pang-dalawang araw na naming sinusubukan na itago sa water element ko ang fire element niya. Ito ang naisip ni John na pang-atake sa Second Ranking Test. Ngunit hindi pa rin namin ito magawa sapagkat hindi namin mabalanse ang lakas ng dalawang element. Kung tutuusin ay maaari kong tulungan si John sa element niya dahil element ko rin ang fire ngunit nag-aalala akong baka maramdaman ng Senior Council na apat pa rin ang element ko. Ayokong isugal ang sikreto ko para lamang manalo sa Second Ranking Test. At isa pa, maituturing na pand
