AKEESHA'S POV
Buong araw ay napagpasyahan namin ni Ryan na libutin ang buong Fire Kingdom. Dito namin ginugol ang natitirang oras ko dito sa Elemental World. Hindi ko na rin nagawang kausapin ang mga kaibigan namin dahil baka mas lalo akong mahirapan na iwan ang mundong ito. Isa rin kasi sila sa dahilan kung bakit gusto kong talikuran ang pagiging Psyche.
Alas Singko Y Media na ng hapon at nandito na ulit kami sa may burol. Sabi sa akin ni Aira, kasabay ng paglubog ng araw ang paglalaho ko. At dito sa burol na ito namin hihintayin ang paglubog ng araw.
Nagpalabas ako ng apat kong element at lumikha ng dalawang maliit na box.
"Kapag naglaho na ako at bumalik ka na sa House of Council, ibigay mo ang box na ito sa buong barkada. At ito namang isa, para sa 'yo pero huwag mo munang bubuksan
