RYSHA'S POV
Pagkatapos ng Foundation Day at Fire Festival ay balik na sa normal ulit ang klase. Nauna lang ako kay Throy na pumasok dahil sabay daw sila ni Audrey at ayokong makisabay sa kanila. Wala pa rin akong tiwala sa babaeng iyon kaya ako na lang ang lalayo.
Pagkarating ko sa academy ay wala pang masyadong estudyante dahil maaga pa. Inagahan ko talaga ang pasok para hindi ko makita sina Throy at Audrey. Habang naglalakad ay nakasalubong ko sa Nerissa. Hindi ko na dapat siya papansinin ngunit mabilis siyang nakalikha ng malaking Water Ball at inihagis sa akin iyon. Pinili kong huwag itong iwasan kaya umagang umaga ay basang basa ako.
Hindi pa doon natapos ang ginawa ni Nerissa. Mayroong nagbato sa akin ng isang timbang harina. At dahil sa basa ako ay dumikit ang mga harina sa buong
