Chapter 17
TROY
"Sir... may bisita po kayo." anang katulong sa labas ng aking kwarto.
Iminulat ko ang mga mata ko. Bago ako nagsalita ay tumingin muna ako sa wall clock. Pasado alas 10 na ng umaga.
"Sino daw?" tanong ko.
"Alexa Montalban daw po."
Napatigil ako. Tama ba ang pagkakarinig ko? Si Alexa Montalban ang bisita ko?
"Papasukin ko po ba sir?"
"S-Sige..." wika ko. Bago ko pa mapagtanto na dapat inuna ko munang tingnan ang itsura ko. Ang tanging nagawa ko na lamang bago pa makapasok si Alexa ay pasimpleng suklayin ang buhok ko gamit ang mga daliri ko.
Nang makapasok si Alexa ay napatingin ako sa kanya. Hinagod ko siya mula ulo hanggang paa.
Naka-trouser siya na pinresan ng blazer. Sa ilalim na iyon ay isang itim na top na umaabot lamang hanggang sa ibaba ng pusod. Nakalug
