"Tumigil ka nga sa paglalakad! Isa! Tumigil ka! Pagod na ako, kanina ka pa lakad nang lakad. Mukha kang tanga! Pakinggan mo nga muna sila!" sigaw ni Zayra sa akin. Kanina niya pa ako sinusundan pero hindi ko siya pinapansin at patuloy lang ako sa paglalakad kung saan walang direksyon at hindi ko alam kung saan ang patutunguhan.
"Hindi ka ba talaga titigil?!" humarang siya sa harapan ko at tinitigan ko lang siya nang masama bago siya lagpasan.
"Inis na inis na ako sa 'yo, e! Zach!" Nabigla ako sa pagsapak ni Zayra sa akin, sinuntok niya ako sa mukha ko kaya kumunot ang noo ko. Nagtimpi lang ako at nagpatuloy sa paglalakad, hindi ko dapat pinapatulan ang mga babae.
"Hindi ka talaga hihinto?!" Sa pangalawang pagkakataon ay sinuntok niya ulit ako kaya tuluyan na akong napahinto.
"Tumigi
