Napagpasyahan namin na sa labas na mag-lunch. Anong oras na rin kasi at hindi rin naman kami makapagluluto pa.
Maganda na rin na makalabas-labas kami para naman makagala si Mom. Hindi naman puwedeng palagi na lamang siyang nakakulong sa Mansion. Parang naulit lamang ang nangyari sa kaniya kung ganoon.
"Pagod na pagod kayong dalawa ah?" biro ko kila Sopi at Mom.
Natatawa sila sa akin sa hindi ko malamang dahilan. Parang may iniisip sila na kakaiba. Hindi kaya ay iniisip nilang magkatabi kami ni Jayvril kanina?
Napasimangot na lamang ako. Pero at least, imbis na magalit si Mom ay mas suportado niya pa kami. Botong-boto talaga siya kay Jayvril para sa akin. Ilang beses na niyang ipinaramdam sa akin iyon.
"Nanonood lang kami ni Jayvril dito sa sala kanina pa. Hinihintay lang namin kayo,
