Chapter 18: Tayong Dalawa 2
Nathaniel's Point of View:
Nakakapagtaka dahil kapag naglalakad kami ni Nilo ay siya namang pagkakaroon ng liwanag. Talaga palang napakahiwaga ng bundok na ito.
"Sandali!" Bigla akong napatigil sa paglalakad nang magsalita si Nilo.
Napatingin ako sa kanya na parang may inoobserbahan siya. Inutusan niya akong umatras na muna at nakita kong may hinahanap siya. Ilang saglit pa ay naglakad siya at kumuha ng isang bato. Nagtataka man ako kung aanhin niya ang bato, hindi ko na lang siya pinakialaman.
Bigla niyang ibinato ang hawak niya sa aming harapan. Sa pagbato niyang yun ay nagkaroon ng liwanag sa aming harapan. Naglakad akong palapit sa kanya at tinanong kung ano ang nangyayari. Hindi niya ako sinagot at nang wala namang nangyari ay nagpatuloy na kami sa pag
