TATUM'S POV
Napahikab ako at mabagal na pumikit-pikit. Inaantok ako sa lesson namin sa totoo lang. Nakakaantok naman kasi ang boses ng bago naming guro, gusto ko na lang na umidlip, pero kailangan kong labanan tutal ay last subject na ito at uwian na. Half day lang kami ngayon dahil may pupuntahan daw ang mga teachers, makakapagpahinga na ako ng maayos.
Ramdam ko na bumabagsak na ang aking mata habang nakatingin sa harapan. Pasensya na hindi ko na talaga mapigilan. Nandilim na ang paligid at wala na akong marinig na kahit na ano, ngunit ilang minuto lang ang lumipas at bumalik ako sa aking ulirat nang biglang bumagsak ang aking ulo. Mahina kong sinampal ang aking mukha at ipinokus ulit ang atensyon sa lesson namin.
Naramdaman ko naman na mas dumikit pa sa aking katawan ang mesa ko, inia
