Kung noon ay magdamag akong nakahiga sa kama, ngayon naman ay kanina pa ako palakad-lakad sa bahay ni Zavier. Paano’y nagdadalawang-isip akong ituloy ang sariling plano kay Zoe. Baka kasi sapat na ang ginawa ni Zavier na pagpaparusa rito. Kaya lang kapag sumasagi naman sa isip ko ‘yong muli naming paghaharap sa headquarters kanina, parang may nagtutulak sa ‘kin ituloy ito. Para kasing hindi man lang siya nagsisisi sa ginawa niya.
Napabuntong-hininga ako. Hindi ko alam kung masyado pa rin ba akong malambot para maging miyembro ng isang mafia group dahil sa takbo ng isip ko.
Aakyat na sana ako sa kwarto nang marinig ko ang doorbell ng pinto. Nagmadali ako papunta rito dahil baka si Zavier na ito. Kaya lang ay nang hahawakan ko na sana ang saradura para buksan, napaisip ako kung bakit nag
