Simula nang makasama namin ni Zavier si Andeng sa bahay, wala naman akong nakitang kakaiba sa kilos niya. Noong una nga ay parang ayaw niyang may iba kaming kasama. Kung hindi ko lang siya pinakiusapan ay hindi siya papayag.
Ganito rin ang sitwasyon kay Andeng. Ayaw niya noong una tumira sa bahay ni Zavier dahil sa pagiging mafia boss nito. Kulang na lang ay layasan niya ako noong nalaman niya ang relasyon namin.
Kung magkasundo man silang dalawa ngayon, dahil din ito sa hiling ko. Kaya anong posible nilang pag-usapan nang labas ako?
“Ate!” sigaw ni Andeng sabay kapit at siksik sa braso ko. Nagtago siya nang makita ang paglabas ng napakaraming zombie sa malaking screen ng sinehan.
Nasa mall kami ngayon. Dahil ‘di ko na kailangan magpunta sa training o bookstore simula ngayong araw,
