Kung umasta si Zavier ay parang kahapon lang noong huling beses kaming nagkita. Hindi ba siya tumitingin sa kalendaryo? Hindi niya ba alam kung anong petsa na?
Ang init ng pakiramdam ko pagdating sa basement ng Zamaré Grand Towers. Parang lalagnatin ako. Huminto ako sa tabi ng motor ko at dito rin muna ipinarada ang motor na nakuha ko mula sa mga magnanakaw na naka-engkwentro ko.
Malakas ang kabog ng dibdib ko nang tanggalin ang suot na helmet. Nagmadali akong ibalik ito sa compartment ng motor at pagkatapos ay kinuha lahat ng mga pinamili ko. Dire-diretso akong nagpunta sa elevator. Pinindot ko ‘yong VIP elevator maging ‘yong pang regular guests.
Habang naghihintay, narinig kong may paparating na sasakyan kaya napalingon ako. Nanlaki ang mga mata ko at hindi ako nakahinga nang makitan
