Paghinto ng sasakyan sa harap ng hotel, napilitan akong magsuot ng heels dahil bababa na ‘ko. Alam ko kasing pagtitinginan na naman ako ng mga tao kapag naglakad akong nakayapak sa loob.
Kung ako lang ang tatanungin ay wala sanang problema. Pero pakiramdam ko, dala ko na ngayon si Zavier kaya kailangan ko ring alagaan ang imahe ko. Ayaw ko nang ipahiya siya.
“Bale… bukas na lang?” pagbasag ko ng katahimikan sa loob ng kotse. Pilit akong ngumiti sa kabila ng mga nakakahiyang nangyari ngayong araw. “Saan pala ang lakad natin?” tanong ko pa kay Zavier na ngayon ay nakaupo at nakatanaw lang sa bintana. Mahirap pa ring basahin kung anong iniisip niya.
“You will undergo official training to become a member of my organization,” sagot ni Zavier. Kalmado at malalim pa rin ang kanyang boses.
Ku
