Pagkabukas pa lang na pagkabukas ni Lana ng pinto ng kanyang apartment ay kaagad na siyang sinalubong ng malapad na dibdib ni Vladymir. Mula sa turtleneck na suot nito, leather gloves, long coat, slacks, balat na sapatos ay pulos kulay itim. Lalong nanlata ang katawan ng dalaga nang mapansin ang mataas na kalibre ng baril na nakasukbit sa may beywang nito.
Papasok pa lamang ang dalaga sa trabaho niya at hindi maganda ang gising niya. Paano ba naman, nagising siya na bukas na ang pinto ng apartment niya at magulo ang mga gamit niya sa loob, lalo na ang lalagyan niya ng mga maruruming damit. Sa tantiya niya pa nga ay nawawala ang ilan sa mga underwear niya na gamit na. Naging dahilan iyon para kaagad siyang magtungo sa istasyon ng pulis at mag-file ng report. Inabisuhan siya na huwag na mu
