Warning: Ang kabanatang ito ay naglalaman ng mga maseselang eksena. Huwag gayahin sa ano mang paraan.
Viewer discretion is advised.
Nagtatangis ang mga bagang ni Vladymir. Umaagos ang dugo mula sa mga kamay niyang hindi pa naibenda nang maayos ngunit hindi niya iyon alintana. Dire-diretso siyang pumasok sa loob ng K Tower. 'Ni hindi sinubukan ng guwardiya na pigilan siya nang makita ang nag-aalab na mga mata niya. Ang asul niyang mga mata na punong-puno ng galit.
Kanina niya pa pinipigilan ang balasik ng kanyang mukha habang nililinis ang katawan ng patay na pusa. Lalong tumindi ang nararamdaman niyang galit nang mapansin ang panginginig ng katawan ni Lana noong ginagamot ang mga kamay niya. Kahit na sinasabi nito na ayos lamang ito ay alam niyang natatakot din ang dalaga. Bago siya
