Maaga pa ang gabi kaya nagpasyang lumabas muna ng kanyang tinutuluyang Hotel si Margaux, dahil bukas tiyak hindi na siya maka pamasyal. Nais niyang lumanghap ng sariwang hangin at isa pa sobrang siyang nabusog dahil halos na ubos niya ang pagkain na pinadeliver sa kanya. Pagkalabas niya sa kanyang silid ay kaagad niyang tinungo ang elevator. Pinindot nito ang down arrow, at hindi nagtagal ay bumukas na ito.
"Good evening ma'am. Saan po ba kayo?" bungad sa kanya ng babaeng operator ng elevator.
"Sa lobby lang ako, thank you," tugon niya sa babae. Sinamahan niya rin ito ng malapad na ngiti. Ngunit bago pa man tuluyang naisara ang pinto ng elevator ay may kamay na pumipigil rito.
Napaangat ng tingin si Margaux, sa lalaki. Nakasuot ito ng puting sumbrero, kulay itim na maong pants, puting
