“Dapat ba akong maging masaya dahil magkaibigan tayo? O dapat ko ba iyong ikalungkot dahil alam kong hanggang doon lang tayo?”
Nagbuga nang hininga si Dominic. Nakatihaya siya sa paghiga sa kanyang kama at ang mga mata niya’y nakatitig sa kisame. Pinapahinga muna niya ang kanyang sarili dahil kagagaling lamang niya sa trabaho. Mamaya ay kakain siya ng konti ng pagkaing nabili niya sa karinderya bilang hapunan pagkatapos ay tuluyan na siyang matutulog.
Sa kanyang pagkakatulala ay hindi mapigilang isipin ni Dominic ang mga katagang nabasa niya sa isang libro. Ramdam niya sa mga katagang nabasa niya ang magkahalong saya at lungkot.
Minsan, naitanong na rin ni Dominic sa kanyang sarili ang tanong na ‘yan. Aminado naman siya na masaya siya na naging kaibigan ngayon si Angelo. Walang kasing s
