“Huwag na huwag kang lalabas ng bahay. Dito ka muna at magpahinga habang wala ako,” mahigpit na bilin ni Angelo kay Dominic. Nasa bahay pa rin ito ng huli at ngayon lamang aalis dahil kailangan nitong pumasok sa eskwelahan. Ayaw man niyang iwanan muna si Dominic at pumasok dahil nag-aalala siya sa binata ngunit kailangan niyang pumasok at mag-aral.
Mabagal na tinango naman ni Dominic ang kanyang ulo. Balisa pa rin ito at animo’y wala sa sarili.
“Kumain ka sa tamang oras. May mga pagkain ng nakahanda sa mesa. Kung ayaw mo naman ng mga pagkaing iyon, may mga instant noodles naman diyan na binili ko rin para sayo,” pagpapaalala pa ni Angelo. “Saka maligo ka na rin. Puro punas na lang kasi ang ginagawa mo,” aniya pa.
Tumango na lamang muli si Dominic bilang sagot sa mga sinabi ni Angelo.
N
