NASA BAHAY SI JESSIE NG tatay niya. Dito siya nagpahatid sa taxi. Buti ay hindi umalis ang tatay niya, hindi pa naman siya nag-abiso na dadalaw. Naabutan niya itong naghahapunan.
“Masyado na yatang late ang dinner mo, ‘tay?” si Jess.
Hindi siya nito pinansin at nagpatuloy sa masayang pagkain. Kahit kailan talaga ay nakakaganang panoorin ang tatay niyang kumain. Sa tatay niya yata nakuha ang gabundok na appetite niya sa pagkain. Tumambay na lang siya sa kwarto niya nang wala siyang mahita ni isang salita mula sa tatay niyang nagpapakabusog.
Ang baduy niya pala noong teenager siya. Sobrang daming poster ng mga video games at mga bandang kinabaliwan niya. Hindi na rin siya magtataka kung itinabi niya ang notebook na may mukha ni Deither Ocampo. Ang dami ring pictures na nakadikit sa sala
