UMAGA nang lunes ay maaga siyang pinakiusapan ng kanyang abuela na ipasyal niya ito sa labas ng garden. Si Nigel ay wala ng mga oras na iyon doon sa rancho. Maaga itong umalis dahil sa trabaho nito sa Maynila. Napag-usapan nila na ituloy ang honeymoon nila bilang mag-asawa bagaman nais muna nitong ayusin ang lahat sa opisina nito bago nila pag-usapan ang tungkol sa kanilang dalawa.
Nang asikasuhin niya ito sa hapag kaharap ang Lola Ofelia niya ay alam niyang masaya itong nakasubaybay sa kanilang dalawa ni Nigel.
“Masaya na ‘ko, Nieta.” Wika ng Lola Ofelia ni Ylona nang minsang pinutol nito ang kataimikang namumutawi sa paligid. Nakaharap sila sa malawak na lupain ng pagmamay-ari nila sa rancho. Ang Lola Ofelia niya ang may gutong lumabas dahil nais nitong makahagilap ng sariwang hangin s
