Ilang linggo na ang nakalipas mula ng mangyari ang insidente sa Cyprus at tungkol sa plano ko sa mga kaklase ko ay napapayag ko rin sila Rance na tulungan ako.
Noong mismong araw na nakalabas ako ng hospital ay pumunta kaming lahat sa bahay ni Red kung saan inimbitahan rin ang mga kaklase ko dahil nagpahanda sila Rance ng salo-salo doon dahil sa paraang iyon nila naisip na gawin ang pinlano ko. Pinalabas nilang welcome party ko iyon para doon iserve ang wine kung saan tinunaw ang mga tableta na kailangan ipainom sa kanila.
Thankfully ay gumana naman iyon saka ako tinulungan nila Rance na isa-isahin sila at sabihing walang kahit na anong nangyari saakin. Ang buong linggo na nasa hospital ako ay pinalitan ng buong linggo na busy kami sa skwelahan dahil sa exam at pasahan ng mga projects.
