"Mom! Dad!" Umaalingaw-ngaw sa buong bahay ang sigaw ni Jarenz. Mukhang may ginawa na namang kalokohan ang bunso nila para inisin ang kuya nito. Kararating lang nito galing school at agad nagdiretso sa kwarto nito ngunit agad din itong lumabas at hinahanap na silang mag-asawa.
"Ano na naman ba ito? Nakukunsume na ako sa inyong magkapatid ah!" Agad siyang umakyat sa kwarto nito para tingnan kung anong nangyari. Pinaningkitan niya si Lance na tatawa-tawang nakasunod sa kanya. Mukhang tuwang-tuwa pa sa kalokohan ng mga anak nito. Nang mabungaran niya ang kwarto ng panganay ay maski siya ay hindi makapagsalita sa nakita. Kung dati'y kulay white at gray ang kwarto nito ngayon ay pink na sa may bandang ibaba. Napuno din iyon ng mga pambabaeng palamuti. At kaya pala kulang ang mg
