Lumakas din ang ulan nang makabanda ako ng Juan Luna Street. Kaya nagmadali akong tumawid sa kabila at sumilong sandali sa may puno ng alatiris.
May tumapat na jeep at nagbaba ng pasahero...
"Kuya!", pamilyar na boses yun a? Hinanap ko ang boses at nasa loob ito ng jeep.
"Uy! Lorraine!!", ewan ko kung anong pumasok sa isip ko at sumakay din ako ng jeep.
Sa loob ng jeep...
"Sa'n punta mo?", habang dumausdos din kami ng upo papunta sa bandang estribo ng jeep. Nasa shorts siya na parang floral na faded, at manipis tsaka light blue na v-neck na tee's. Naka-tsinelas ng Islander na uso noon.
"Punta kong Tutuban bibili ako ng bag. E, dapat kanina kaya lang nagbantay muna ko ng kapatid ko. Nagmaktol pa nga ko, e..."
"Sige samahan na kita, anong oras na o... Gabi na tsaka maulan. Wala ka ata
