Unexpectedly nakita ng dalawa si Ian na may kausap sa phone naka casual attire na ito. Daling lumakad ang dalawa para puntahan ito pero akma na itong umalis kaya hindi na napigilan ni Pia na tawagin ito upang maabutan pa nila.
"Ian! Ian sandali!" Ang lakas ng boses niya pero parang hindi ito nakarinig dahil may kausap ito sa phone. "Ian sandali!" Gusto sana niyang tumakbo kaso naka gown siya. "Ian!"
"Bakit ang bingi na ni Ian." Komento naman ni Doreen na nagmadali ding lumakad.
"Hindi, may kausap kasi siya sa phone kaya hindi niya tayo narinig." Paliwanag naman ni Pia. Nabuhayan siya ng loob nang huminto ito at palinga-linga kaya tumawag siya muli. Sinabayan na rin siya ni Doreen sa pagtawag. "Ian!" Ang laki ng ngiti ni Pia. Sobrang gwapo ng kaibigan niya ng napatingin na ito sa kanya.
