Wala na ang ama ng magkakapatid na Adrian, Margaux at Jhayvee. Sa isang iglap ay tinangay ng wakwak ang kanilang ama sa madilim na himpapawid. Wala na rin ang kanilang ina. Paano na silang kapatid? Mga bata pa sila at hindi pa nila alam ang kanilang gagawin para mabuhay silang tatlo lalo na sa kasalukuyang nangyayari sa paligid nila. Wala pa rin patid sa kanyang pag-iyak si Margaux. Kitang-kita niya kung paano dinagit ng aswang ang kanilang ama at ang mga sigaw nito habang inililipad ito sa himpapawid.
Sa di kalayuan dinig na dinig nila ang napakalakas na sigaw ng isang lalake na kasalukuyang nasukol at nilalapa ng mga aswang. Nakaramdam ng takot si Adrian sa naririnig. Natatakot siya hindi lang para sa kanyang sarili, kundi pati na rin sa kanyang dalawang nakababatang kapatid. Na
