THERESE'S POV
"BAKIT NAMAN IISA lang ang kwarto?" inis na tanong ko kay Ciara nang makapasok kami sa sinasabi niyang kubo.
Mas maayos ito kumpara sa kubo na tinirhan namin, ngunit kulang-kulang sa kagamitan. Wala ang refrigirator na paborito kong appliances. Walang kama. As in, walang gamit na mapapakinabangan namin. May mga old paintings lang na hindi naman kailangan pero wala naman akong balak na alisin iyon dahil hindi naman sa amin ang tirahan na ito.
Ang problema ko lang talaga, iisa lang ang kwarto, kahoy pa ang sahig, nakatukod ang apat na suloo ng kubo sa mga matatayog na kawayan sa ibaba. Tulad ng kubo nila Ciara, ganoon din dito, may hagdan bago ang pinaka-pinto.
Hindi naman pwede na sa labas matulog si Ross dahil kahoy ang sahig dito. Wala siyang pansapin man lang. Walang
