“Ano pang nangyari playmate?” kinikilig na tanong ni Angie.
Kasalukuyan silang nasa kusina at naghihiwa ng mga backups nila para mamaya. Hindi pa naman busy kaya malaya silang nakakapag-kuwentuhan ng kaniyang mga kaibigan. Nandoon din sina Thummy at Janice na tila excited na rin sa kaniyang kuwento.
“Ayun na nga, dinala niya ako sa langit…” Tiningnan muna niya ang mga itsura ng mga ito at tama naman siya ng ini-expect. Namimilog ang mga mata ng mga ito kaya napabungisngis siya mula sa kaniyang kinatatayuan.
“Luh! Langit talaga friend?” Si Janice ang naunang naka-recover sa kanila.
“Kakaloka kayo! Saang langit ba ang mga pinag-iisip ninyo?” Sinabayan pa niya iyon ng paghagikhik. “Sa Antipolo niya ako dinala. Kayo talaga anu-anong pinag-iisip ninyo riyan.” Binato tuloy siya ni Thummy n
