Nagmamaneho na patungong mansion ng mga Miranda si Phoenix nang tumunog ang kaniyang cellphone. Kinuha niya iyon at sinagot ang tawag nang hindi tinitingnan kung kaninong pangalan ang nakarehistro sa screen.
"Yes, hello?" aniya habang ang mga mata ay nakatutok pa rin sa daan.
"Good evening, sir. Kayo po ba si Phoenix Achilles Imperial?"
Kumunot ang kaniyang noo at nagtaka kung sino ang tumawag. Inihinto niya ang kotse sa gilid ng kalsada para makipag-usap. Nanlaki ang mga mata niya nang makitang numero iyon ng kaniyang ina.
"Yes, speaking. Who is this?"
Tila niyanig ang buong pagkatao niya sa sinabi ng kaniyang kausap. Pagkababa ng kaniyang cellphone ay pinaharurot na niya iyon kaagad patungong ospital kung saan dinala ang kaniyang ina. Pagdating niya roon ay sinalubong kaagad siya n
