Rizza's Pov
HINDI KO na natapos ang pagkain ko dahil sa sinabi ni sir Deimos. Yung puso ko kasi ay hindi na mapakali. Kung dati ay wala akong alam sa mga salitang english ay ayos lang sana. Pero ngayon na naiintindihan ko na ay parang hindi ako mapalagay. Hindi ko maintindihan ang sarili ko kung kikiligin ba ako sa harap ni sir Deimos.
Yung pagkain ko tuloy ay hindi ko naubos at nagkunwari na lang ako na busog na. Nakakabusog pala talaga kapag kinikilig.
Niyaya na ako lumabas ni sir Deimos sa restaurant kaya tumango ako at sumunod sa kanya. Tahimik lang akong nakasunod sa likuran niya at ayaw kong magtabi kaming dalawa.
Ngunit nagulat ako ng biglang huminto si sir Deimos sa unahan ko at lumingon
sa 'kin. Napakurap-kurap ako at hindi ko alam kung bakit ang seryoso ng mukha niya.
"
