Gulat at takot. Ganiyan ngayon kung paano ilarawan ni Laureta ang sarili at ang nararamdaman matapos makita ang kinahinatnan ng bahay.
Kararating lang niya. Balak niya pa naman sanang ibabad ang katawan sa malamig na tubig ng kaniyang bath tab. Akala niya'y magkakaroon siya ng panandaliang peace of mind at moment para mag-relax once na maka-uwi, pero tila taliwas doon ang mangyayari.
"Hubert," sambit niya sa unang pangalan ni Huge sabay kapit sa laylayan ng t-shirt nito.
Paano ba naman kasi, nadatnan nila ang bahay na bukas. Hindi lamang iyon dahil hindi sapat ang salitang 'magulo' lang at 'makalat' para ilarawan ang nakikita ngayon ng dalawa.
Basag ang family picture nila na naka-display. Maging ang wedding picture ng ina at ama niya ay nasa ibaba na rin. Mabuti na lamang at hindi ito
