Masayang kumain ng family dinner ang buong pamilya ni Sandra kasama si Jann. Alas otso na nang matapos ang mga ito sa walang sawang kwentuhan at pag-interview kay Jann.
Hindi maikakaila na gustong gusto ng mga ito si Jann para kay Sandra. Lahat na rin ata ng tanong ng mga ito ay nasagot na ni Jann lalo na at kanina pa umiinom ang mga ito. Natigil lamang iyon nang nagkayayaan na na kumain muna ng dinner.
Si Sandra naman ay umahon na rin kanina pa at nagpalit na muna dahil bigla itong gininaw. Ang kanyang Kuya Gian naman at Kuya Walter ay bahagya na ring lasing dahil nakarami na ang mga ito na hindi maawat kanina.
Pagkatapos magligpit ni Sandra kasama ang kanyang Ate Malou ay naabutan niyang nakaupo pa rin si Jann habang nakatingin sa mga pamangkin niyang walang sawang nagtatampisaw sa po
