"Xáxa, nais kong pumunta ng Toshen," seryosong sabi ni Asyanna.
Napataas ang isang kilay ng Frost Byte young Ladynne sa narinig. Hindi siya makapaniwala na nais pumunta ng Magium young Ladynne sa Toshen. Batid niyang mapanganib para kay Asyanna ang magtungo roon dahil tinitiyak niyang may mag-aabang sa kaniya roon.
"Nahihibang ka na ba, Asyanna? Bakit ka pupunta roon? Gusto mong ipahamak ang sarili mo?" asik ni Xáxa.
Lumingon si Asyanna sa Frost Byte young Ladynne at tipid na ngumiti.
"Hindi sa ganoon, Xáxa. Parang may bumubulong kasi sa akin. Nais nitong pumunta ako ng Toshen," sagot ni Asyanna na siyang tunay dahil kanina pa niya ito naririnig sa isipan niya.
Umiling si Xáxa at pinagkrus ang mga kamay. Pinapakita lang ng Frost Byte young Ladynne na hindi siya sang-ayon sa pasya ni A
