"Dylenea? Precipise? Sheena? Nasaan kayo?!"
Makulimlim at tanging liwanag na nagmumula sa buwan ang nagbibigay tanglaw sa paligid. Malamig ang simoy ng hangin na kapag humahaplos sa balat ay nagbibigay kilabot sa buong katawan.
"Zefirine? Lescha? Xáxa? Onessa? Onaeus? Kai? Naririnig niyo ba ako? Magpakita kayo, pakiusap!"
Nagpatuloy siya sa paglalakad at hinanap ang mga kasama. Hindi niya alam kung saan siya pupunta. Wala siyang ideya kung saang parte ng Azthamen siya naroroon. Hindi siya pamilyar sa lugar dahil iyon ang unang beses na napadpad siya roon.
"Bakit wala ang lahat? Nasaan sila?" tanong ni Asyanna sa sarili.
Nilibot niya ng tingin ang buong paligid. Naglalakihang mga puno, makakapal na baging at ugat, at mayabong na mga halaman ang tanging nakikita ng kaniyang mga mata. Na
