"Ihanda ninyo ang inyong mga sarili. May paparating na kalaban," sabi ni Asyanna at hinanda ang hawak na espada.
"Nararamdaman ko paparating na sila," ani Sheena habang pinapakiramdaman ang lupa.
May mga yabag siyang naririnig mula rito at nakikita niya ang mga alikabok na papunta sa direksyon nila.
"Mga Rebellion na nagtatago sa hangganan ng Mysta," sabat ni Precipise na kararating lang kasama si Kai.
Maayos na muli ang lagay ng Aqua Sailor Lorde. Parang hindi ito nasugatan dahil wala nang kahit anong galos o sugat ito sa katawan.
"Kai, anong ginagawa mo rito? Ang sugat mo, hindi ka pa magaling," puna ni Asyanna pero natigilan siya dahil naghilom na ang sugat nito.
"Naghilom na ang sugat niya, Yanna. Kaya, mas malakas na ngayon ang puwersa natin," sabat ni Precipise na nasa tabi na
